Dy nga gazetarët, redaktorët dhe njohësit më të njohur e më me përvojë të zanatit të gazetarisë në vend e rajon, Gazmend Syla dhe Blerim Xhemajli, i janë bashkuar agjencisë së lajmeve KosovaPress. I pari si drejtor i Informacionit, ndërsa i dyti si kryeredaktor.
Ish-themeluesit dhe drejtuesit e redaksisë së informacionit në Klan Kosova, që nga themelimi i saj më 17 shkurt 2009, e lanë televizionin, pas 17 vjetësh punë aty.
Paraprakisht, për 9 vjet, të dy punuan si gazetarë e redaktorë në gazetën Koha Ditore, ndërsa Syla kishte kaluar një periudhë, në vitet e para të pasluftës edhe në gazetën Kosova Sot, e Xhemajli në Epoka e Re.
Agjencia e lajmeve KosovaPress është lider i informacionit dhe mbulimit të ngjarjeve në vend e rajon, derisa raportimet e saj të shkruara e vizuele gjejnë vend edhe në mediet më me ndikim në botë.
Më 4 janar, kjo shtëpi mediale, që u themelua dhe funksionoi edhe në kohë lufte, e shënoi 27 vjetorin e themelimit. Shkruan KosovaPress
Leave a Reply